Нағымбек Нұрмұхаммедовтың 100 жылдығына орай дөңгелек үстел

20 қараша сағат 10:00-де Әбілхан Қастеев атындағы ҚР Мемлекеттік Өнер музейінің қабырғасында ҚР Суретшілер одағының мүшесі, өнертану ғылымдарының кандидаты Нағымбек Нұрмұхаммедовтың 100 жылдығына орай дөңгелек үстел ұйымдастырылды.
Қазақ бейнелеу өнерінде алақанының ыстық табын қалдырған біртуар суретші туралы көз көргендерден естеліктер айтылып, өнерін зерделеп зерттеген өнертанушылардан біршама баяндамалар тыңдалып, табиғаты әсем туған жері Баянауылдан келген қонақтардың жылы лебіздері айтылды.
Нағымбек Нұрмұхаммедов шығармашылығының асқар биігі әр туындысында деуге болады. Жеке және топтық портреттерінен, табиғат көрінісінен,натюрмортынан анатомиялық дәлдік, композиция, рең, колорит, бояудың жарық пен көлеңкесі анық ерекше бір күшпен орындалғандай.
Өзінің саналы ғұмырын Қазақ бейнелеу өнерінің дамуына арнаған ұлы тұлға Нағымбек Нұрмұхаммедовтың 100 жылдық мерейтойы құтты болсын!